«Жаңа оқу жылында балаларды оқыту туралы» атты тақырыпта бірыңғай қашықтан жалпы республикалық ата-аналар жиналысы
«Жаңа оқу жылында балаларды оқыту туралы» жалпы республикалық ата-аналар жиналысының тұжырымдамасын негізге ала отырып, Әл-Фараби атындағы орта мектебінде 2020 жылдың тамыз айының 20-ы күні «Жаңа оқу жылында балаларды оқыту туралы» атты тақырыпта мектеп директоры Елмира Аягановна Нетаеваның ұйымдастыруымен бірыңғай қашықтан жалпы республикалық ата-аналар жиналысы өткізілді. Жиналысқа мектеп әкімшілігі және ата-аналар қатысты. Жиналыс барысында мектеп әкімшілігі коронавирустық инфекцияның таралуына жол бермеуге байланысты карантиндік шаралар жағдайында жаңа 2020-2021 оқу жылындағы оқытудың ерекшеліктері туралы ата-аналарды (балалардың заңды өкілдерін) хабардар етіп, ата-аналарға арнайы тақырып бойынша дайындалған жадынамаларды таратып, түсіндірме жұмыстарын жүргізді. Жалпы республикалық ата-аналар жиналысы қашықтан zoom платформасы арқылы жүргізілді. Жиналыстың өткізілуі туралы ақпарат мектеп сайтына және фейсбук әлеуметтік желісінде жарияланды.
Ата-аналар жиналысының мақсаты: коронавирустық инфекцияның таралуына жол бермеуге байланысты карантиндік шаралар жағдайында жаңа 2020-2021 оқу жылындағы оқытудың ерекшеліктері туралы ата-аналарды (балалардың заңды өкілдерін) хабардар ету
Ата-аналар жиналысының күн тәртібіндегі қаралған сұрақтар:
1. Жаңа оқу жылындағы оқу форматтары.
2. Оқытудың штаттық режимінде санитарлық талаптарды сақтау.
3. Қашықтан оқыту: баланың іс-әрекеті және жұмыс орны.
4. Қашықтан оқыту процесі жүргізілетін білім беру Интернет-платформасымен танысу.
5. Жаңа оқу жылында білім алушыларды бағалау жүйесі.
6. Баланың оқу режимі және демалысы.
7. Баланы өздігінен оқуға қалай ынталандыруға болады?
8. Интернетті қауіпсіз пайдалану үшін ата-аналарға балаларына үйрететін ережелер.
9. Интернеттегі балалардың жұмысын ата-ана бақылауы ережелерімен таныстыру
10. Ата-ана мен баланың қарым-қатынас психологиясы.