20-шы қараша күні Дүниежүзілік балалар күні және Бала құқықтары туралы БҰҰ-ның Конвенциясын қабылдауының 30 жылдығы және ратификацияланғанына 25 жыл мерекесіне орай тарих пәнінің мұғалімі Х.А.Дунаевтың ұйымдастыруымен «Мен және менің құқығым» тақырыбында дебат өткізілді.Дебатқа мектеп әкімшілігі,мұғалімдер,8 -11 сыныптар арасындағы оқушылар қатысты.Дебат барысында оқушылар тақырып төңірегінде пікірталас жүргізіп,өз ойларын жақсы жеткізе білді.        

20 қараша күні  мектебіміздің ұстазы Мырзаханова Жанира Советханқызы Елбасының «Болашаққа бағдар: рухани жаңғыру» бағдарламасы аясында ұйымдастырылған «Музей түні» акциясына белсене қатысып,  Жамбыл  облысы әкімдігінің мәдениет, архивтер және құжаттама басқармасының Жамбыл облыстық тарихи өлкетану музейінің  директоры С.Ілиясовтың  Алғыс хатымен  марапатталды.      

21  қараша күні мектептің бастауыш сыныптардың арасында  «Күз мереке, күз береке» атты күзгі  бал  мерекесі ұйымдастырылды.  Мереке өте қызықты өтті. Байқау 5 кезеңнен тұрды: таныстыру, өнер байқауы, сән үлгісі, қолөнер байқауы, күз байлығы.