«ПАРАСАТТЫ ОТБАСЫ» ОНЛАЙН БАЙҚАУЫ БАСТАЛДЫ

 ҚР Сыбайлас жемқорлыққа қарсы іс-қимыл агенттігінің Жамбыл облысы бойынша  департаменті, «Жамбыл – адалдық алаңы» жобалық офисі және Жамбыл облысы әкімдігінің білім басқармасы «Парасатты отбасы» онлайн байқауын өткізеді.

Облыстық байқауға парасатты, қоғамда белсенді, ой-өрісі кең, ізденімпаз оқушылар мен білімгерлер өз жанұясымен, сондай-ақ,  байқауға облыстағы әртүрлі қызмет саласында жұмыс атқаратын отбасылар қатыса алады.

Қатысушылар әлеуметтік желілерде парасаттылық туралы ойлары және адалдықты насихаттайтын материалдарды жариялауы қажет. Оған қоса, парасаттылық, адамгершілік үлгілерін көрсететін 4-5 минуттық сапасы жоғары бейнеролик дайындап, әлеуметтік желілерге «Жамбыл – адалдық алаңы» жобалық офисін белгілеп #Жамбыладалдықалаңы хэштегімен орналастыруы шарт.

Байқауға қатысу туралы өтінім 2020 жылғы 14 қазанына дейін келесі мекен-жай бойынша қабылданады: Облыстық оқу-әдістемелік кабинеті, Тараз қаласы, Бектұрғанов к-сі 6, тел.8 (7262) 43-74-61, raikulova.jazira@mail.ru және aliya_kulenova@mail.ru, техникалық және кәсіптік білім беру ұйымдары sulujan_02@mail.ru.