«Болашаққа бағдар-рухани жаңғыру» бағдарламасы аясында «Менің жүрегім-Қазақстан» тақырыбында әдеби-музыкалық кеш
2018 жылы 12 қаңтар күні әл-Фараби атындағы орта мектебінде «Болашаққа бағдар-рухани жаңғыру» бағдарламасы аясында «Менің жүрегім-Қазақстан» тақырыбында әдеби-музыкалық кеш өткізілді. Кешке 3-11 сынып оқушылары, жалпы саны- 80 оқушы мен ұстаздар қатысты. Кешті мектеп директоры Нетаева Елмира Аяғанқызы құттықтау сөзімен ашты. Кешке «Нұр Отан» партиясынан, аудандық рухани жаңғыру кабинетінің офис-менеджерлері, Төле би ауылдық округінің мамандары, «Жас Отан» орталығының мүшелері қатысты. Мерекелік кеште оқушылар «Отан», «Туған жер» тақырыптарында өлең оқып, ән шырқап, ұлттық биімізді билеп өнер көрсетті. Мектеп ұстаздары мен мектеп оқушылары жаңғыру жолында бабалардан мирас болып, қанымызға сіңген, бүгінде тамырымызда бүлкілдеп жатқан ізгі қасиеттерімізді көрермен жүрегіне жеткізе білді.